Sinhala (Sri Lanka)English (United Kingdom)
Public Admin News

தலைப்புச் செய்திகள்

சர்வதேச வெசாக் பண்டிகை 2017

 

To commemorate the International Vesak Festival – 2017 announced by the United Natio....

நீங்கள் இங்கே உள்ளீர்கள்:  முகப்பு எம்மைப் பற்றி மேல் நோக்கு

மேல் நோக்கு

2015 ஆம் ஆண்டு செப்டம்பர் மாதம் 21 ஆம் திகதியிலிருந்து அரசாங்க நிர்வாக மற்றும் முகாமைத்துவ அமைச்சு என்னும் பெயரின் கீழ் சகல அரசாங்க நிறுவனங்கள் மற்றும் அரசாங்க ஊழியர்களுக்கு உன்னத சேவையினை வழங்கும் இவ் அமைச்சானது கிட்டத்தட்ட 84 வருடங்களுக்கு முட்பட்ட வரலாற்றினைக் கொண்டுள்ளது. 1931 ஆம் ஆண்டுக்கு முன்னர் நிதி அமைச்சின் கீழ் திணைக்களம் ஒன்றாகவிருந்த இவ் அமைச்சானது 1931 ஆம் ஆண்டில் டொனமூர் சீர்திருத்தத்தின் பின்னரான பல்வேறுபட்ட நிலை மாற்றங்களை கண்டுள்ளதுடன் தற்போது பல்வேறுபட்ட அரசாங்கங்களின் கீழ் வெவ்வேறுபட்ட மாற்றங்களுக்கு முகங்கொடுத்து சிறந்த சேவை வழங்கல் ஒன்றினை உறுதிப்படுத்துகின்றது.

இவ் அமைச்சானது 2015 ஆம் ஆண்டு செப்டம்பர் மாதம் 21 ஆம் திகதியிலிருந்து அரசாங்க நிர்வாக மற்றும் முகாமைத்துவ அமைச்சு என்னும் பெயரின் கீழ் கௌரவ. ரஞ்சித் மத்தும பண்டார அவர்களின் தலைமையின் கீழ் வந்துள்ளது அத்துடன் கௌரவ. சுசந்த புஞ்சி நிலமே பிரதி அமைச்சராக பதவியினை வகிக்கின்றார்.

இன்று அரசாங்க ஊழியர்களின் மஹகெதர ஆகக் கருதப்படும் இவ் அமைச்சானது நல்லாட்சித் தத்துவங்களை நிறைவேற்றுவதற்கு அதன் அர்ப்பணிப்பினை நிரூபிக்கும் அதேவேளை அரசாங்க ஊழியர்களுக்கு அவசியமான வழிகாட்டல்களை வழங்கி தேவையான கொள்கைகள் மற்றும் திட்டங்களை உருவாக்குகின்றது, அத்துடன் எதிர்பார்க்கும் இலக்குகளை அடைந்து கொள்ளும் முயற்சியில் முழு அலுவலர்களுக்குமான தலைமைத்துவத்தினை அமைச்சின் செயலாளர் திரு. ஜே.ஜே. ரத்னசிரி அவர்கள் வழங்குகின்றார்.

சிறந்த அரச சேவை ஒன்றின் உச்சநிலையான அரசாங்க மற்றும் முகாமைத்துவ அமைச்சானது சகல அமைச்சுக்களிற்கும் அரச நிறுவனங்களிற்கும் முன்னுதாரணமாக இருந்து முன்னணி நிலையில் அதன் பொறுப்புக்களைத் தாங்கி நிற்கின்றது.

அறிமுகம்

அரசாங்க நிர்வாகத்தின் மத்திய நிலையமாக விளங்கும் அரசாங்க நிர்வாக மற்றும் முகாமைத்துவ அமைச்சு அரசாங்க நிர்வாகத்தின் முன்னிலைப்படுத்தப்பட்ட மக்களின் எதிர்பார்ப்புக்களுக்கு முன்னுரிமை வழங்கும் வகையில் அரச சேவையொன்றினை நிர்மாணிக்கும் நடவடிக்கையினை மேற்கொள்கின்றது. அங்கு அரசாங்க கொள்கைகளை திட்டமிடுதல், மனித வள முகாமைத்துவம், நிறுவன ரீதியான விருத்தி என்பனவற்றினை மனதிற் கொண்டு நடைமுறைப்படுத்தப்படும் பரந்த விடயப் பரப்புடன் கூடிய அளப்பரிய பணிகளை நிறைவேற்றும் அமைச்சாகும். தேசிய அபிவிருத்தி செயற்பாடுகளை மேற்கொள்வதற்காக நாடளாவிய ரீதியான சேவைகள் மற்றும் ஒட்டுமொத்த இணைந்த சேவைகளின் நிர்வாக நடவடிக்கைகளை நிறைவேற்றி அரச சேவையினுள் மனித வளத்தினை உயர் உற்பத்தித்திறன் மிக்கதாக முகாமைத்துவம் செய்வதனை அடிப்படை நோக்கமாகக் கொண்டு அமைச்சு நடவடிக்கைகளை மேற்கொள்கின்றது.

பொது மக்களுக்கு திருப்திகரமான அரச சேவையொன்றினை கட்டியெழுப்புவதற்கான நியாயமான தன்மை மற்றும் வினைத்திறனின் பால் விஷேட கவனத்தினைச் செலுத்தி நிர்வாக ஏற்பாடுகள் மற்றும் நிபந்தனைகளை தயாரித்தல் இவ்வமைச்சின் மீதுள்ள அடிப்படைப் பொறுப்பாகும். அதற்கிணங்க தாபன விதிக்கோவை மற்றும் அதனுடன் தொடர்புடைய அரசாங்க நிர்வாக சுற்றரிக்கைகளை தயாரித்தல், திருத்தியமைத்தல், தேவைப்படும் சந்தர்ப்பங்களில் அதனுடைன் தொடர்புடைய அவதானங்களை பெற்றுக் கொடுத்தல் இடம்பெறுகின்றது.

அரசாங்க நிர்வாக நடவடிக்கைகள் தொடர்பாக தேசிய மட்டத்தில் கொள்கைகளை தயாரித்தல், பொருள்கோடல் மற்றும் அதனுடன் தொடர்பான வழிகாட்டல்களை வழங்குதல் என்பன இவ்வமைச்சின் மூலம் நிறைவேற்றப்படும் இன்னுமொரு அதிவிஷேட பணியாகும். அதனூடாக மிகவும் உற்பத்திதிறன் வாய்ந்த சேவையொன்றினை பெற்றுக் கொடுக்க முடியுமான வகையில் ஒட்டுமொத்த அரச சேவையினதும் செயற்பாடுகளை கட்டியெழுப்புதல் மற்றும் நிர்வாகம் இதனூடாக இடம்பெறுகின்றது.

தொலைநோக்கு

தேசத்திற்கான சிறந்ததோர் அரச சேவை

பணிநோக்கு

மனிதவளத்தை உரியவகையில் நிர்வகிப்பதனூடாகவும், முகாமைத்துவம், மறுசீரமைப்பு என்பவற்றினூடாகவும் சிறந்ததோர் அரசாங்க சேவையை உறுதிப்படுத்தல்

நோக்கம்

  • அரச சேவையின் மனித வள முகாமைத்துவத்திற்கு ஆட்சேர்ப்பு செய்தல், ஊதியம் மற்றும் ஏனைய சேவை நிபந்தனைகளுடன் தொடர்புடைய உற்பத்தித்திறன் வாய்ந்த அரச கொள்கையினைத் தயாரித்தல்
  • பொதுமக்களின் தேவைகளுக்காக மறுமொழி வழங்கும் போது தற்போது அரசாங்க சேவையில் கடமையாற்றும் அலுவலர்களின் அபிலாசைகளுக்கு புதிய பாதையினை நோக்கி வழிநடாத்துகின்றது
  • அரசாங்க சேவையின் உற்பத்தித்திறன் மற்றும் தரத்தின் அடிப்படையில் உயர்த்துவதற்காக புதிய முகாமைத்துவ கட்டமைப்பொன்றினை உருவாக்குதல் மற்றும் செயற்படுத்துதல்
  • பிரதான அமைப்பொன்றினை நிறுவி பரிமாறிக் கொள்ளல் ( முடிவினை இலக்காகக் கொண்ட மனப்பாங்கு, பொறுப்புக்கூறல், வளங்களை சிறந்த முறையில் கையாளுதல், சார்புத் தன்மையற்ற, தூர நோக்கு போன்றன)
  • பயிற்சி நிகழ்ச்சித் திட்டங்களுக்கு வசதிகளை வழங்குதல் மற்றும் அவற்றினை நடாத்தும் பொருட்டு அரசாங்க பிரிவில் பயிற்சித் தேவைகளை இனங்காணுதல்
  • ஓய்வுதியத்துக்கு உரியதான சிக்கல்களை தீர்த்து வைப்பதற்காக ஓய்வூதிய நிகழ்ச்சித் திட்டங்களை உருவாக்குதல் மற்றும் செயற்படுத்துதல்
  • அரசின் அபிவிருத்தி இலக்குகள் மற்றும் முன்னுரிமைகளை பூர்த்தி செய்யும் இயலுமையுடன் கூடிய அரசாங்கப் பிரிவின் நிறுவாக விருத்திக்கான கட்டமைப்பினை தயாரித்துக் கொள்ளல்
  • சேவை வழங்களின் உற்பத்தித்திறன் மற்றும் தரத்தினை கட்டியெழுப்புவதற்காக தகவல் மற்றும் தொடர்பாடல் தொழிநுட்பத்தினை கையாள்வதை மேம்படுத்தல்
  • அரச சேவையின் பணியாட் தொகுதியினரின் செயற்திறன்களை விருத்தி செய்தல்
  • மாற்றமுறும் நிலைமைகளுக்கு ஏற்ப நடவடிக்கைகளை மேற்கொள்வதற்காக வேண்டி முறைமைகளை எளிதாக்குதல் மற்றும் செயலாக்கத்தினை மீண்டும் தயாரிப்பதற்கான வழிகாட்டல்களை மேம்படுத்தல், விருத்தி செய்தல் மற்றும் செயலுருப்படுத்துதல்

அமைச்சினால் நடைமுறைப்படுத்துவதற்கு ஒப்படைக்கப்படும் அடிப்படைச் சட்டங்கள்

  • கட்டாய அரசாங்க சேவைச் சட்டம் (1961 இலக்கம் 70)
  • இலங்கை அபிவிருத்தி நிர்வாக நிறுவத்தின் சட்டம் (1982 இலக்கம் 9)
  • தபுதாரர் மற்றும் அனாதைகள் ஓய்வூதியச் சட்டம் (1983 இலக்கம் 24)
  • விதவைகள் மற்றும் அனாதைகள் ஓய்வூதிய கட்டளைச் சட்டம் (1898 இலக்கம் 1)
  • தபுதாரர் மற்றும் அனாதைகள் ஓய்வூதியத் திட்டம் (ஆயுதப்படையினர் ) சட்டம் (1998 இலக்கம் 60)
  • விதவைகள் மற்றும் அனாதைகள் ஓய்வூதியத் திட்டம் (ஆயுதப் படையினர்) சட்டம் (1970 இலக்கம் 18)
  • அரச சேவை ஓய்வூதியம் பெறுபவர்களின் நம்பிக்கை பொறுப்பு நிதியச் சட்டம் ( 1999 இலக்கம் 40)
  • உத்தியோகபூர்வ வாசஸ்தலங்கள் ( உடைமையினை மீளப் பெற்றுக் கொள்ளல்) சட்டம் ( 1969 இலக்கம் 7)
  • அரச சேவை சேமலாப நிதிய கட்டளைச் சட்டம் (1942 இலக்கம் 18)
  • பரிசு வழங்கும் போட்டிச் சட்டம் (1957 இலக்கம் 37)
  • மற்றொரு அமைச்சரின் கீழ் குறிப்பாக ஒப்படைக்கப்பட்டிராத, இங்கு 1 மற்றும் 11 ஆம் வரிசைகளில் குறித்துரைக்கப்பட்டுள்ள விடயங்களுக்கு உரித்தான ஏனைய சகல பிரமாணங்கள்

நோக்கத்தினை அடையும் போது நிலவும் சட்ட வரையறைக்கு ஒத்திசைவாக நம்மால் கட்டியெழுப்பப்பட்ட மூலோபாயங்கள்

  • அரசாங்க சேவையின் வினைத்திறனினை சிறந்த வகையில் வள முகாமைத்துவத்துக்கான பகுத்தறிவுடன் கூடிய கொள்கை மற்றும் ஒழுங்குமுறை கட்டமைப்பு
  • அரசாங்க சேவையினை வழங்கும் போது உற்பத்தித்திறனினை மேம்படுத்துவதன் பொருட்டு செயலாக்கத்தினை மீண்டும் தோற்றுவித்தல் மற்றும் அமைப்பு ரீதியான விருத்திக்கான நிர்வாக சீர்திருத்தம்
  • அரச சேவைக்கான போட்டித் தன்மை ரீதியான ஆட்சேர்ப்புக்கள் மற்றும் தேர்ந்தெடுக்கும் செயல்முறைகள்
  • கோரிக்கை சார்புடைய இயலுமை விருத்தி மற்றும் திறன்களை ஒப்பிடல்
  • சேவை வழங்கலினை பொது மக்களுக்கு அண்மிக்கச் செய்தல் மற்றும் பன்முகப்படுத்தப்பட்ட நிறுவனம் சார் வலையமைப்பு
  • அரசாங்க சேவையின் தரத்தினை உயர்த்துதல் மற்றும் சேவை வழங்கலின் வெளிப்படைத் தன்மைக்காக தகவல்கள் மற்றும் தொடர்பாடல் தொழில்நுட்பத்தினைப் பயன்படுத்துதல்
  • பொதுமக்களை மையப்படுத்திய அரசாங்க சேவையின் பால் சார்ந்த சேவை வழங்கலினை தரமிக்கதாக மாற்றுவதற்காக குடிமகன் / சேவைப் பெறுநர் பட்டயம்

இவ்வமைச்சின் கீழ்க் காணப்படும் ஓய்வூதிய திணைக்களம், தேசிய உற்பத்தித்திறன் செயலகம், தேசிய இணைய தொலைக் கல்வி மத்திய நிலையம் மற்றும் இலங்கை அபிவிருத்தி மற்றும் நிர்வாக நிறுவகம் போன்ற சகல நிறுவனங்களும் கூட்டாக அமைச்சின் நோக்கங்களை அடைந்து கொள்ளும் வகையில் அர்ப்பணிப்புடன் கடமையாற்றுவதோடு ஆரம்பத்தில் நிதி அமைச்சின் கீழ் நிறுவப்பட்ட ஒரு திணைக்களமாக ஆரம்பித்து வைக்கப்பட்ட இவ்வமைச்சானது 85 ஆண்டுகள் பூராகவும் பல்வேறு விடயப் பரப்புக்கள் மற்றும் வெவ்வேறு அமைச்சர்களின் வழிகாட்டல்களின் ஊடாக சேவைப் பங்களிப்பினை வழங்கி 2015.06.22 ஆந் திகதி முதல் “ அரசாங்க நிர்வாக மற்றும் முகாமைத்துவ” அமைச்சு ஆக மாற்றப்பட்டதுடன் அமைச்சின் தற்போதைய அரசியல் முன்னோடியாக கௌரவ ரஞ்சித் மந்தும பண்டார அமைச்சர் அவர்களினதும் கௌரவ சுசந்த புஞ்சி நிலமே பிரதி அமைச்சர் அவர்களினதும் இணைந்த ஒத்துழைப்புடன் அமைச்சின் விடயப் பரப்பினை வழிநடாத்தும் நிர்வாக தலைமையை தற்போதைய செயலாளராக கடமையாற்றும் ஜே.ஜே. ரத்னசிரி அவர்கள் வகிக்கின்றார்கள்.

அமைச்சின் கடமைகள் மற்றும் தொழிற்பாடுகள்

  • கொள்கைகள், நிகழ்ச்சித்திட்டங்கள், செயற்திட்டங்களை உருவாக்குதல், அரசாங்க நிர்வாக மற்றும் முகாமைத்துவ விடயங்களுக்குப் பொறுப்பான அரசாங்க நிறுவனங்கள் மற்றும் அரசாங்க நியதிச்சட்ட நிறுவனங்கள் சம்பந்தமான விடயங்கள்
  • தேசிய உற்பத்திறனை அதிகரிப்பதற்கான கொள்கைகள் மற்றும் நிகழ்ச்சித்திட்டங்களை வகுத்தல் மற்றும் அவற்றை செயலுருப்படு்த்துதல்
  • நிர்வாக மற்றும் மனிதவள முகாமைத்துவம்,
    • இலங்கை நிர்வாக சேவை
    • இலங்கை திட்டமிடல் சேவை
    • இலங்கை பொறியியலாளர் சேவை
    • இலங்கை விஞ்ஞான சேவை
    • இலங்கை கட்டடக்கலைஞர் சேவை
    • இலங்கை தொழிநுட்ப சேவை
    • இலங்கை கணக்காளர் சேவை
  • தாபனவிதிக் கோவை சம்பந்தமான நிர்வாகப் பணிகள்
  • ஓய்வூதிய பிரமாணக் குறிப்பினை நடைமுறைப்படுத்துதல், அனைத்து அரசாங்க ஓய்வூதிய உத்தேச திட்டங்கள் சம்பந்தமான பணிகள்
  • அரச சேவை பயிற்சிகள்
  • எதிர்பார்க்கப்பட்ட அபிவிருத்தி இலக்குகளை அடைந்து கொள்ளுமுகமாக அரசாங்க சேவையின் நல்லாட்சியை பிரபல்யப்படுத்தல்
  • இணைந்த சேவைகளை நிர்வகித்தல்
 

இற்றைப்படுத்தப்பட்டது 17-08-2017.
mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
Visitors Counter