Home

1978 ஆம் ஆண்டு இலங்கை ஜனநாயக சோக்ஷலிச குடியரசின் அரசியல் யாப்பு

இலங்கையின் மொழிதொடர்பான அடிப்படை சட்டம் அரசியலமைப்பின் நான்காவது அத்தியாயத்தில் குறிப்பிடப்பட்டுள்ளது. அதிலுள்ள சட்ட ஏற்பாடுகள் 13 ஆவது அரசியலமைப்பு திருத்தத்தினாலும் (1987) 16 வது அரசியலமைப்பு திருத்தத்தினாலும் 1988 திருத்தப்பட்டுள்ளது. இந்த அத்தியாயங்களில் அடங்கப்பட்டுள்ள விடயங்களில் மொழி உரிமையானது பிரதானமாகும்.

மொழி உரிமையானது அடிப்படை உரிமையாக பாதுகாக்கப்படும் தன்மை அரசியலமைப்பின் III வது அத்தியாயத்தில் 12(2)வது உறுப்புரையில் வெ ளிப்படுத்தப்பட்டுள்ளது. அவ்வாறாயின் “இனம், மொழி , மதம், சாதி, பால், அரசியல்கொள்கை அல்லது பிறப்பிடம் காரணமாக அல்லது அத்தகைய காரணங்களுள் எந்தவொரு காரணத்திற்காகவும் எந்தப் பிரஜைக்கும் பாரபட்சம் காட்டுதல் ஆகாது என கூறப்பட்டுள்ளது. எனினும் இந்த உரிமையானது இதே அரசியலமைப்பு உறுப்புரையலேயே இதன் கீழ் கூறப்பட்டுள்ள விசேட ஏற்பாடுகளுக்கு உட்படல் வேண்டும்.

“• ஆயினும் பகிரங்க சேவையில் , நீதிச்சேவை, மாகாண பகிரங்க சேவை உள்ளூராட்சி சேவையில் அல்லது ஏதேனும் பகிரங்க கூட்டுத்தாபனத்தின் சேவையில் உள்ள ஏதேனும் ஊழியத்திற்காக அல்லது பதவிக்கான கடமைகளை நிறைவேற்றுவதற்கு ஏதேனும் மொழியை அறிந்திருத்தல் நியாயமாக அவசியமாக உள்ளவிடத்து அத்தகைய ஏதேனும் ஊழியத்திற்காக அல்லது பதவிக்கான தகைமையாக அம்மொழியில் போதிய அறிவை நியாயமான காலத்தினுள் பெறுதல் வேண்டும் என ஆளொருவர் தேவைப்படுத்தப்படுவது சட்டமுறையானதாதல் வேண்டும் :

• ஆயினும் அத்தகைய ஊழியத்திற்கான அல்லது பதவிக்கான பணிகளுள் எவற்றையும் ஏதேனும் மொழியை அறிந்திருத்தல் தவிர வேறு விதத்தில் நிறைவேற்ற முடியாமலிருக்குமிடத்து அத்தகைய ஏதேனும் ஊழியத்திற்கு அல்லது பதவிக்கு சேர்த்துக்கொள்வதற்கான தகைமையாக அம்மொழியில் போதிய அறிவை உடையராக இருத்தல் வேண்டும் என ஆளொருவர் தேவைப்படுத்தப்படுவது சட்ட முறையானதாதல் வேண்டும்.”

மேலும் 12(3) உறுப்புரையின் பிரகாரம் எந்வொரு ஆளும் இனம் , மதம்,மொழி,சாதி, பால் காரணமாக அல்லது அத்தகைய காரணங்களுல் எந்த ஒன்று காரணமாகவும் கடைகள் பொது உணவுச்சாலைகள் விடுதிகள் பொது களியாட்டங்கள் தனது மதத்திற்குறிய பொது வழிபாட்டிடங்கள் என்பவற்றிக்கு செல்லுதல்தொடர்பில் ஏதேனும் தகுதியீனத்துக்கு, பொறுப்புக்கு, மட்டுப்பாட்டிற்கு அல்லது நிபந்தனைக்கு உட்பட்டவராகலாகாது. ”

பின்னணி

2010 ஆம் ஆண்டு ஏப்ரல் 30 ஆம் திகதிய 1651/20 ஆம் இலக்க அதி விசேட வர்த்தமானி அறிவித்தல் மூலம் தேசிய மொழிகள் மற்றும் சமூக ஒருமைப்பாட்டு அமைச்சு (MNLSI) உருவாக்கப்பட்டது. 2015 ஆம் ஆண்டு திசெம்பர் 18 ஆம் திகதி 1945/40 ஆம் இலக்க அதி விசேட வர்த்தமானி அறிவித்தல் மூலம் அரசகரும மொழிகள் தொடர்பான விடயப்பரப்பு தேசிய சகவாழ்வு, கலந்துரையாடல், அரசகரும மொழிகள் அமைச்சின் கீழ்கொண்டு வரப்பட்டது. அதன் பின்னர் 2018 ஆம் ஆண்டு மே மாதம் 12 ஆம் திகதி 2070/56 ஆம் இலக்க அதி விசேட வர்த்தமானி அறிவித்தல் மூலம் தேசிய ஒருமைப்பாட்டு, மறுசீமைப்பு மற்றும் அரசகரும மொழிகள் அமைச்சுக்கு உள்ளடக்கப்பட்டு அதன் பின்னர் அவ் அமைச்சு தேசிய ஒருமைப்பாடு, அரசகரும மொழிகள் அமைச்சாக திருத்தப்பட்டது.பின்னர் 2018 ஆம் ஆண்டுதிசெம்பர் 28 ஆம் திகதி 2103/33 இலக்க அதி விசேட வர்த்தமானி அறிவித்தல் மூலம் மீண்டும் தேசிய ஒருமைப்பாடு, அரசகரும மொழிகள் ,சமூகமேம்பாடு மற்றும் இந்து மத அலுவல்கள் அமைச்சாக மீண்டும் திருத்தப்பட்டது. 2019 ஆம் ஆண்டு நவம்பர் மாதம் அரசகரும மொழிக்கொள்கை அமுல்படுத்தல் என்ற விடயம்பொது நிர்வாக, உள்நாட்டலுவல்கள், மாகாண சபைகள் மற்றும் உள்ளூராட்சி அமைச்சிடம் ஒப்படைக்கப்பட்டது. 2020ஆம் ஆண்டு ஆகஸ்ட் மாதம் 09 ஆம் திகதி 2187/27 ஆம் இலக்க அதி விசேட வர்த்தமானி அறிவித்தல் மூலம் 2020செப்டம்பர் மாதம் அரசகரும மொழிக்கொள்கை அமுல்படுத்தல் என்ற விடயம் அரசசேவைகள், மாகாண சபைகள் மற்றும் உள்ளூராட்சி அமைச்சிடம் கையளிக்கப்பட்டது. பின்னர் 2022மே மாதம் 27 ஆம் திகதிய 2281/4127 ஆம் இலக்க அதி விசேட வர்த்தமானி அறிவித்தல் மூலம் அரசகரும மொழிகள் தொடர்பான விடயம்பொது நிர்வாக, உள்நாட்டலுவல்கள், மாகாண சபைகள் மற்றும் உள்ளூராட்சி அமைச்சிடம் கையளிக்கப்பட்டது.

பொது மக்கள் மத்தியில் சகவாழ்வை மேம்படுத்துவதற்கு ஒத்துழைப்பு வழங்கும் முகமாக அரசகரும மொழிக்கொள்கையை வினைத்திறனான முறையில் அமுல்படுத்துவதை நோக்கமாக கொண்டு செயற்படும் ஒரு பிரிவாக தேசிய மொழிகள் பிரிவு (NLD) செயற்பட்டு வருகின்றது. அரசகரும மொழிக்கொள்கையை(OLP) வினைத்திறனான முறையில் அமுல்படுத்துவதற்காக இனங்கானப்பட்டுள்ள பல நிகழ்ச்சித்திட்டங்ளை பலவேறுபட்ட முறைகளில் பல்வேறுபட்ட பொறிமுறைகளில் செயற்படுத்தி வருகின்றமை குறிப்பிடத்தக்கது.

தேசிய மொழிகள் பிரிவானது அரசகரும மொழிகள் திணைக்களம்(DOL), அரசகரும மொழிகள் ஆணைக்குழு(OLC), தேசிய மொழிக் கல்வி மற்றும் பயிற்சி நிறுவனம்(NILET) போன்ற மொழியை ஊக்குவிக்கும் நிறுவனங்களுடன் ஒருங்கிணைந்து செயலாற்றி வருகின்றது. மொழி வளத்தை கட்டயெழுப்புதல், சேவை வழங்கள் மற்றும் இருமொழி மும்மொழிசேவை வழங்கள் மற்றும் தேவை நிமித்தம் சேவை வழங்குநர்கள் மற்றும் பொதுமக்களை ஊக்குவிப்பதற்கான பொறுப்புமிக்கவர்கள்.

1956 மொழி அழைப்பு மத்திய நிலையம் மற்றும் மொழி மத்திய நிலையங்கள் ஊடாக பிரதேச மட்டத்தில் அரச உத்தியோகத்தர்கள் மற்றும் பொது மக்களுக்கு நடாத்துவதற்து வசதிகள் ஏற்படுத்தல். திறைசேரி நிதிகளுக்கு மேலதிகமாக கனேடிய அரசு மற்றும்ஐரோப்பிய யூனியன் (EU) நிதியுதவியுடன் தேசிய மொழிகள் சமத்துவ மேம்பாட்டு கருத்திட்டம் (NLEAP) மற்றும் மறுசீரமைப்பு வலுப்படுத்தும் கருத்திட்டம் ( SRP) ஊடாக நிகழ்ச்சித்திட்டங்கள் நடைமுறைப்படுத்தப்பட்டு வருகின்றன.

அரசகரும மொழிகள் ஆணைக்குழு

அரசகரும மொழிகள் ஆணைக்குழுவானது 1991 ஆம் ஆண்டு 18 ஆம் இலக்க அரசகரும மொழிகள் ஆணைக்குழு சட்ட மூலம் மூலம் ஆரம்பிக்கப்பட்ட ஆணைக்குழு ஆகும் இவ் ஆணைக்குழு ஜனாதிபதி மூலம் நியமிக்கப்படும் ஆறு அங்கத்தவர்களை கொண்டதாகும். இதில் ஒருவர் தலைவராக நியமிக்கப்படுவார். உத்தியோகபூர்வமாக ஆணைக்குழுவின் செயலாளராக அரசகரும மொழிகள் திணைக்களத்தின் தலைவராக ஆணையாளர் நாயகம் இருப்பார். அரசியமைப்பு IV வது அத்தியாயத்தில் உள்ளடக்கப்பட்ட சட்டத்தின் கண்காணிப்பு மற்றும் மேற்பார்வை செய்தல் அரசகரும மொழிகள் ஆணைக்குழுவின் கடமையாகும். தொடர் நடவடிக்கைகள் சிறந்த முறையில் வினைத்திறனாக மேற்கொள்வதற்கு அரசகரும மொழிகள் திணைக்களத்திற்கு அனுமதிக்கப்பட்ட உத்தியோகத்தர் குழாம் உண்டு.

அரசகரும மொழிகள் ஆணைக்குழு மூலம் இடம்பெறும் பிரதான செயற்பாடுகள்

• அரசகரும மொழி தொடர்பான முறைப்பாடுளை ஆய்வுசெய்தல்
• அரச மற்றும் அரச சார்பற்ற உத்தியோகத்தர்ளை விழிப்புணர்வூட்டல்
• பாடசாலை நிகழ்ச்சித்திட்டங்கள் நடைமுறைப்படுத்துதல்
• பொது மக்களுக்கு விழிப்புணர்வூட்டும் நிகழ்ச்சித்திட்டங்களை நடை முறைபடுத்துதல்

அரசகரும மொழிகள் ஆணைக்குழுவின் இணையத்தள முகவரி- : https://www.olc.gov.lk/